«Qýandyq aqtalýy kerek edi»: Bıshimbaevtiń ápkesi sot úkimine qatysty pikir bildirdi

Foto: tengrinews.kz

Áıeli Saltanat Núkenovany óltirgeni úshin 24 jylǵa sottalǵan eks-mınıstr Qýandyq Bıshimbaevtiń ápkesi sot úkimine qatysty pikir bildirdi. Bul týraly Stan.kz aqparat agenttigi habarlaıdy.

Áleýmettik jelide Bıshimbaevtiń ápkesiniń sot zalynda sot úkimine qatysty aıtqan pikiri túsirilgen vıdeo jarııalandy.

“Meniń oıymsha, ol aqtalýy kerek edi, sebebi qazir ol barlyǵynyń nemquırylylyǵy úshin jazalanyp jatyr. Kózi tirisinde Saltanattyń ata-anasy da, aǵasy da oǵan nemquraıly qaraǵan, tipti Saltanat óz-ózine nemquraıly qaraǵan. Oǵan qamqorlyq kórsetken, ol úshin alańdaǵan jalǵyz adam Qýandyq edi. Ol Saltantty shynaıy jaqsy kórdi. Qazir Qýandyqty ony urǵany úshin sottap jatqan joq, urǵannan adam ólmeıdi”, – deıdi sottalýshynyń ápkesi.

Bıshimbaevtiń ápkesi Qýandyq pen Saltanatqa aıyrylysyp, eki jaqqa ketýdi usynǵanyn aıtty.

“Senderge mundaı qarym-qatynas qajet emes, aıyrylysyńdar dep usynys aıtqan biz edik. Saltanattyń ata-anasyna buǵan qatysty eshteńe istegen joq, aǵasy da dál solaı. Sol túni Saltanat aǵasy qońyraý shalǵan, nege kelmegen? Nege qaıta qońyraý shalmaǵan, nege izdemegen? Ol telefony arqyly Saltanattyń qaıda júreginin kórip otyrǵan ǵoı. Nege úıinen shyǵyp, kóligine otyryp, úıiniń janyndaǵy mekenjaıǵa bara almaǵan? Nemquraılylyq”, – deıdi Bıshimbaevtyń ápkesi.

Eske salsaq, buǵan deıin apellıaııalyq sot Qýandyq Bıshimbaev pen Baqytjan Baıjanovqa qatysty úkimin ózgerissiz qaldyrǵany týraly jazǵan edik.