Álem jańalyqtaryJańalyqtar
Qyrǵyzdardyń Kenesary handy óltirgeni úshin keshirim suraǵan ánshi qamaýǵa alyndy
foto: ashyq derekkóz
Qyrǵyzdardyń Kenesary handy óltirgeni úshin keshirim suraǵan ánshi qamaýǵa alyndy, dep jazdy qandastar.kz
Qyrǵyzstannyń ulttyq qaýipsizdik komıteti ónerpazdy osy sózi úshin halyqaralyq arazdyq týdyrdy dep kúdik keltirip otyr. Ol jaqtyń zańy boıynsha, ult arazdyq týdyrǵandarǵa 10 jylǵa bas bostandyǵynan aıyrý jazasy qarastyrylǵan. Ánshi Qaıratbek Prımberdıev qazaqstandyq youtube arnalardyń birine suhbat berip, Orman hannyń Kenesaryny óltirýge májbúr bolǵanyn aıtyp, keshirim suraǵan. Ári Kenesary hannyń basyn qaıtaryp, Quran oqyp, eki el arasyndaǵy ókpeni umytýǵa shaqyrǵan bolatyn.
«Men bul úshin qazaq halqynan keshirim suraǵym keledi. Bul jaǵdaı úshin shyn júrekten keshirim suraımyn. Qazir jylaǵym kelip tur», – degen edi.
atamekenbusiness_qaz habarlaǵandaı, ónerpazdyń bul sózi qyrǵyzdar arasynda daý týdyrdy. Tipti sol eldiń mádenıet vıe-mınıstri bul jaıtqa qatysty pikir bildirdi. Onyń sózinshe, qyrǵyzdardyń Orman hannyń áreketi úshin keshirim suraýdyń jóni joq. О́ıtkeni, ol óz jerin qorǵaǵan, — dedi.
