Қырғызстан президенті тікұшақпен ұсыныс жасаған жиені үшін кешірім сұрады

Фото: kg.kabar.kg

Мемлекет басшысының туысына 24 маусымда Оруу-Сай шатқалында ұсыныс жасалды. Онда Президенттің жиені өзінің сүйіктісімен бірге ТЖМ тікұшағында ұшып келді.

Бұл оқиға ел халқының наразылығын тудырды. «Ел басшыларының туыстары мен жақындары басқаларға үлгі болуы керек, әркімнің тікұшақ жалдауға мүмкіндігі бола бермейді. Бұл үшін ТЖМ тікұшақтары сатып алынды ма? Президент ысырапшылдықты тоқтату керектігін айтты», – деп жазды әлеуметтік желі қолданушылары.

«Кабарға» берген сұхбатында Садыр Жапаров Лаззат Нурқожаеваның болашақ жұбайы президенттің ысырапшылдыққа тыйым салу туралы бастамасын қолдауға тиіс екенін айтты.

«Сіз дұрыс айтасыз, ел басшылығының туыстары басқаларға үлгі болуы керек. Мен ысырапшылдықты тоқтату керек деп бірнеше рет айттым. Кем дегенде, болашақ күйеу бала бұл бастаманы қолдап, қоғамды да, өзімді де сынамас бұрын ойлануға тиіс. Менің ойымша, ол мұны жастықпен жасады», – деді президент.

Ол Қырғызстан ТЖМ жаңа тікұшақтар сатып алғанын қосты.

«Біз тікұшақтарды коммерциялық мақсатта пайдалануға рұқсат бердік. Олар өздерін ақтауы керек. Кез келген адам тікұшақтарды жалға ала алады, болашақта жаңа аппараттар сатып алу үшін әрбір тиын мемлекеттік бюджетке түседі. Осылайша, авиапарк үнемі жаңартылып отырады «, – деді Садыр Жапаров.

Қазіргі таңда республика бойынша 20-ға жуық тікұшақ бар. Садыр Жапаров туыстарының, аға-інілерінің, апа-сіңлілері мен балаларының алдына қатаң талаптар қоятынын атап өтті. Президент жиені үшін кешірім сұрады.

«Бұрын басқаларды сынап жүрдім, енді өзім де сынға ұшырадым. Мен халық алдында жиенім үшін кешірім сұраймын, ол әлі жас және қоғамның сынын көріп отыр. Дұрыс қорытынды шығарады деп үміттенемін «, – деп түйіндеді өз сөзін Садыр Жапаров.