Қытай-Қазақстан-Еуропа: Транскаспий дәлізінен алғашқы көлік керуені аттанды

Бүгін Ақордада Мемлекет басшысы Қасым-Жомарт Тоқаев пен Қытай Халық Республикасының Төрағасы Си Цзиньпин Транскаспий дәлізі арқылы Қытай-Қазақстан-Еуропа бағытындағы алғашқы көлік керуенін салтанатты түрде аттандырды, деп хабарлайды qandastar.kz.

Көлік керуенінің сапары 10 күнге созылады, ұзындығы – 4 800 шақырым. Керуен Қазақстанның 8 өңірінен өтіп, бүгін Құрық портына жетті. Бұл бағыт Қытай мен Қазақстан арасында экономикалық және сауда ынтымақтастықты одан ары дамыта түседі.

«Қытай елінен шыққан жүк – автокөлік керуені мен контейнер пойызы Ақтау мен Құрық порттарына келіп жетті. Олар Әзербайжан, Грузия, Түркия және Еуропа елдеріне бет алады. Бұл – Ұлы Жібек жолының қайта жаңғыруы. Керуен аттануға дайын», – деді Құрық портынан тікелей байланысқа шыққан Көлік комитетінің төрағасы Алтай Әлі.

Сонымен қатар екі елдің басшыларынан кемелердің жүзуге рұқсат беруді сұрады. Мемлекет басшылары рұқсат берді.

Сондай-ақ Қасым-Жомарт Тоқаев пен Си Цзиньпин Қазақстанның Бейжің қаласында, Қытай Халық Республикасының Астана қаласында Мәдени орталықтарының және Астанада Бейжің тіл және мәдениет университеттерінің ашылуына да рұқсат берді.