Qytaı tili ýnıversıtetterimizde ekinshi shet tili retinde oqytylady – mınıstr Saıasat Nurbek

Ǵylym jáne joǵary bilim mınıstri Saıasat Nurbek qytaı tilin oqytý maqsatta joǵary oqý oryndarynda arnaıy kafedralar ashylatynyn málim etti, dep habarlaıdy Skifnews.kz aqparat portaly  Alash.KZ ulttyq portalyna silteme jasap.

Mınıstr ulttyq jáne memlekettik ýnıversıtetterde qytaı tilin oqytý úshin arnaıy kafedralar qurylatynyn habarlady:

Keshe Qytaı Halyq Respýblıkasynyń Tóraǵasy Sı zınpınniń elimizge memlekettik sapary aıasynda kóptegen kelisim-sharttarǵa qol qoıyldy, sonyń ishinde eki eldiń mınıstrlikteri bilim jáne ǵylym salasynda kelisimge keldi. Kelisimge sáıkes, bizdiń jetekshi, ulttyq jáne memlekettik ýnıversıtetterde qytaı tilin oqytý úshin arnaıy kafedralar qurylady. Ekinshi til retinde bakalavrlar, magıstranttar men doktoranttarǵa usynatyn bolamyz, – dedi ol.

Sonymen qatar, jańa kelisim aıasynda Qazaqstanda Gonkong ýnıversıtetiniń fılıaly ashylmaq. Fılıal jasandy ıntellekt, sáýlet, ıntellektýaldy kólik jáne t.b. salalarda bilim beretini aıtyldy:

Qytaı bizge ekonomıkada da, saýdada da seriktes el, sondyqtan Qytaıdyń tarıhyn, tilin, mádenıetin tereń túsinýimiz kerek. Taǵy bir kelisim – Sátbaev ýnıversıtetiniń bazasynda Gonkong ýnıversıtetiniń fılıaly ashylý boıynsha jasaldy. Fılıal jasandy ıntellekt, sáýlet, ıntellektýaldy kólik jáne t.b. salalarda bilim beredi. Gonkong ýnıversıteti – álemdegi eń úzdik 100 ýnıversıtettiń qataryna kiretin óte jyldam damyp kele jatqan joǵary oqý orny. Ýnıversıtet fılıaly bıylǵy jyldyń qyrkúıek aıynda ashylady, – dedi mınıstr.