Қызылорда облысында жантүршігерлік жол апаты орын алды

Фото: polisia.kz

Қызылорда облысында полиция адам өліміне алып келген жол-көлік оқиғасы бойынша тергеу жұмыстарын жүргізіп жатыр, деп хабарлайды Qandastar.kz.

Полиция қызметкерлерінің мәліметінше, 13 тамызда Шиелі ауданында екі автокөлік соқтығысып, салдарынан бір адам қаза тапқан. Сондай-ақ, үш адам жарақат алған.

«Аталған дерек бойынша сотқа дейінгі тергеп-тексеру жүргізіліп жатыр. Тиісті сараптамалар тағайындалып, оқиғаның мән-жайы анықталып жатыр», – делінген хабарламада.

Полиция жолда жүру ережелерін қатаң сақтау керектігін ескертеді.