جاڭالىقتار
قىزىلوردادا 3 جاسار بالانىڭ باسى بالكوننىڭ تەمىرىنە قىسىلىپ قالدى
فوتو: ايقىن.كز
قىزىلوردا قالاسىندا 3 جاسار بالا باسىن بالكوننىڭ تەمىرىنە قىسىپ, شىعارا الماي قالعان. وقيعا ورنىنا تجم قىزمەتكەرلەرى باردى, — دەپ حابارلايدى Aikyn.kz Massaget.kz-كە سىلتەمە جاساپ.
توتەنشە جاعداي قىزمەتكەرلەرى قىزدىڭ باسىن تەمىردەن شىعارۋعا تىرىسىپ جاتقانى بەينەلەنگەن ۆيدەو جۋرناليست گۇلميرا ابىقايدىڭ الەۋمەتتىك جەلىدەگى پاراقشاسىندا جاريالاندى. ونىڭ ايتۋىنشا, قىزدىڭ باسىن شىعارۋعا الدىمەن اتا-اناسى تىرىسقان, الايدا ارەكەت ناتيجەسىز اياقتالدى.
«باسىن بالكوننان شىعارا الماي قينالدى. قىزىلورداداعى كوپ قاباتتى ءۇيدىڭ بالكونىنا شىعىپ, تەمىردەن باسىن شىعارىپ اۋلانى كورمەك بولعان 3 جاسار قىزدىڭ باسى قىسىلىپ قالدى. وزدىگىنەن شىعارماق بولدى, اتا-اناسى سۋىرىپ الماق بولدى, ناتيجەسىز.
اقىرى توتەنشە جاعدايعا حابارلاسىپ, قۇتقارۋشىلار تەمىردى كەسىپ, 3 جاسار قىزدى امان-ەسەن قۇتقاردى.
بۇل جاعداي 2 اي بۇرىنعى وقيعانى ەسكە سالدى. ءساۋىر ايىندا تانىسىنا كەلگەن مەيمان تەمىر دۋلىعانى كيىپ كورمەكشى بولىپ, باسىنان شىقپاي قالىپ ەدى عوي? ۇمىتپاعان شىعارسىزدار?
ول كەزدە دە وقيعا قىزىلوردادا بولعان», — دەپ جازعان ول.
