«Maǵan adamsha úılengen joq»: Baıan Alagózova kúıeýin eldiń aldynda uıatqa qaldyrdy

Keshe Almatyda qazaqy stılde qyzdary Alma men Alısanyń tusaýyn kesken Tursyn men Baıan Alagózovter toıǵa kelgen áriptesterine alǵys aıtyp, jýyrda taǵy bir toı bolatynyn meńzedi, dep habarlaıdy Qandastar.kz Skifnews.kz aqparat portalyna silteme jasap. 

Bul týraly ánshi Madına Sádýaqasova paraqshasyna júktep, kelesi jyly Tursyn men Baıan úılenedi dep jazǵan.

Sóz sóılegen Baıan Alagózova toı dese ishken asyn jerge qoıatynyn aıtyp, kóńili kúnde mereke qalaıtynyn aıtty.

«Men toı toılap júrgendi jaqsy kóremin. Janym únemi merekeni qalap turady. Búgin úıimizge barǵan soń tańerteń tura sala Tursynǵa «taǵy da merekelegim kelip tur» dep erkeleı alamyn. Kelesi jyly birge turyp jatqanymyzǵa on jyl bolady eken. Men turmysqa shyqqym keledi. Tursyn maǵan adamsha úılengen joq. Men qyz joldastarmen birge bılep kórgim keledi», — deıdi Baıan Alagózova.