Білім
Маңғыстауда бүлдіршіндер балабақшада жаппай уланды
Фото: Айкын.кз
Жаңаөзен қаласы Қызылсай ауылында мектепке дейінгі мекеменің тәрбиеленушілері жаппай уланды, деп жазады qandastar.kz
Lаdа.кz басылымының мәліметінше, 100 бүлдіршіннің кейбіреуі ауруханаға жеткізілген. Бұл ақпаратты облыстық денсаулық сақтау басқармасының баспасөз қызметі растады. Ведомствоның мәліметінше, медициналық мекемеге 37 өтініш келіп түскен.
«31.01.2025 ж. сағат 20:13-те Жаңаөзен қаласының Қызылсай ауылынан жедел жәрдем қызметіне іштің ауруына шағымданған тұрғындардан шақыру түсті. Барлығын жедел жәрдем бригадасымен қарап, тексерді. Тексерілген 37 адамның төртеуі (1 ересек, 3 бала) ауруханаға жатқызылды. Қалғандары амбулаторлық ем алу үшін үйлеріне жіберілді», – деп хабарлады.
Қазіргі уақытта балабақша жабылып, құзырлы органдар тексеріс жүргізіп жатыр. Маңғыстау өңірінде бұған дейін де осыған ұқсас факті болған. Мұнайлы ауданы Бесшоқы ауылындағы №8 мектепте асхана тамағынан 460 оқушы уланған еді. Былтыр қыркүйек айында Маңғыстау облысында 140-тан астам бала уланып, екеуі жансақтау бөліміне түскені еді.
