Mańǵystaýda munaı-gaz salasynda laýazymdy tulǵalar mıllıondaǵan qarjy jymqyrdy

Foto: Stan.kz

Byltyr oblys prokýratýrasy munaı-gaz kásiporyndarynda tekserý júrgizdi, dep jazdy qandastar.kz

Tekserý barysynda “Oil Transport Corporation” JShS qyzmetinde jabdyqty qabyldaý kezinde buzýshylyqtar anyqtalyp, úsh adam ustaldy. Bul týraly Stan.kz aqparat agenttigi habarlaıdy.

Quqyqbuzýshylyqtar anyqtalǵan soń, sotqa deıingi tergep-tekserýler bastaldy. Nátıjesinde kúdikti retinde 3 adam ustaldy. Olardyń arasynda kásiporyn men merdiger kompanııa basshylary da bar.

Sot barlyq laýazymdy tulǵalardy kináli dep tanyp, ártúrli jaza túrlerin taǵaıyndady.

“Kásiporyn bas dırektorynyń orynbasary laýazymdyq ókilettigin teris paıdalanyp, aýyr zardaptarǵa ákep soqqan áreketi úshin sottaldy. Sot oǵan 3 jyl merzimge bas bostandyǵyn shekteý jazasyn taǵaıyndady. Merdiger kompanııanyń eki ókili árqaısysyna 2 jyl merzimge bas bostandyǵyn shekteý jazasy qoldanyldy”, – delingen Mańǵystaý oblysynyń prokýratýrasy.

Sottyń qylmystyq isti máni boıynsha qaraýy kezinde sottalǵandar 250 mıllıon teńge kóleminde shyǵyndy ótedi.

Úkim zańdy kúshine endi.