Марқұм Шерзат Болаттың әкесін полиция ұстап әкетті

Фото: ашық дереккөз

Марқұм Шерзат Болаттың әкесі БАҚ өкілдерімен кездесуді талап еткен соң оны полиция ұстап әкетті, деп жазды qandastar.kz

Оның әрекеті басқалардың, соның ішінде кәмелетке толмаған балалардың қауіпсіздігіне қауіп төндірді деп хабарлады Алматы облысының полиция департаменті.

«Азамат  прокурордың заң талаптарын сақтау туралы түсіндірмелерін елемей, өзін өте агрессивті ұстай бастады, басқаларға қорқытып, өз-өзіне қол жұмсаймын деп қорқытты, сонымен қатар полиция қызметкеріне пышақпен шабуыл жасады», – деп хабарлады полиция.

Ведомство Қаржаубай Нұрымовтың полиция бөліміне жеткізілгенін, онымен психологтар жұмыс істеп жатқанын айтты.