Ресейлік «Маша мен Аю» анимациялық сериалы Германияда әлі де үлкен сұранысқа ие. Мультфильм жергілікті телеарналарда тұрақты көрсетіліп, интернетте де жоғары аудитория жинап отыр, деп хабарлайды Qandastar.kz сайты РИА Новости.
Германияда мультсериалдың негізгі телевизиялық серіктесі – балаларға арналған KіKA арнасы. Арнаның қазіргі бағдарламасына сәйкес, «Маша мен Аю» мультфильмі дүйсенбі мен жұма аралығында жұмыс күндері күндізгі уақытта тұрақты түрде көрсетіледі. Мультсериалдың көрсетілімі тамыз және қыркүйек айларына да жоспарланған.
Мультфильмнің Германиядағы танымалдығы интернеттен де байқалады. Social Blade аналитикалық платформасының мәліметіне сәйкес, жобаның неміс тіліндегі ресми YouTube арнасына 6,95 миллионнан астам адам жазылған. Германиядағы арна контентінің жалпы қаралымы 3,7 миллиардқа жеткен.
Осының арқасында «Маша мен Аю» Германиядағы барлық YouTube арналары арасында 23-орынға көтерілген. Жоба бірқатар ірі еуропалық ойын-сауық ресурстарынан да жоғары көрсеткішке ие.
Соңғы уақытта Еуропада мультсериал төңірегіндегі пікірталас қайта күшейді. Бұған Ұлыбритания парламентінің 50 депутатының мультфильмді «ресейлік насихат» деген негізбен шектеу туралы бастамасы себеп болды. Бұл ұсыныс әлеуметтік желі қолданушылары арасында қызу талқыланды.
«Маша мен Аю» – Animaccord студиясы шығарған анимациялық жоба. Мультсериал 40-тан астам тілге аударылып, әлемнің көптеген елдерінде көрсетіледі. 2020 жылы жоба әлемдегі ең танымал ойын-сауық брендтерінің бестігіне енген.
