Қазақстандық әнші Ерлан Көкеев концерттерде фонограммаға тыйым салатын заңның қабылдануы жайлы жазба жариялады, деп хабарлайды qandastar.kz порталы.
Өнерпаз өз әлеуметтік желісіндегі парақшада фонограмма бұл алдау екенін және нағыз талантты көрсетпейтінін айтып, өз пікірін білдірді.
«Көрермендер иллюзия үшін ақша төлеуге міндетті емес. Көрермендер флешкадан жазбаны емес, тірі дауысты естуге құқылы.
Енді белгілі болады:
кім музыкант,
ал кім жай ғана түр жасауды үйренгені.Сахна тазаратын болды», — деп жазды Қазақстанның еңбек сіңірген мәдениет қайраткері.
Айта кетері, Қазақстанда концерттерде фонограммаға ресми түрде тыйым салынды.
