Máskeýde qazaqstandyq startaper Aleksandr Kım bas bostandyǵynan aıyryldy

Foto: Valerıı Sharıfýlın/TASS / Nıkıta Dýbas pen Aleksandr Kım

Aleksandr Kım Qazaqstan azamaty, Konaev qalasynyń týmasy. Ýnıversıtetten keıin Reseıde qalyp, «Spýtnık» atty týrıstik onlaın-agregator startapyn oılap taýyp, qurastyrǵan. Bul platformada Máskeýdegi jerasty ekskýrsııasyna bıletter satylǵan, dep jazdy qandastar.kz

 Bul týraly Stan.kz aqparat agenttigi «Interfaks» portalyna silteme jasap habarlaıdy.

Munda Nıkıta Dýbas atalǵan týrdyń tikeleı uıymdastyrýshysy. Tergeý málimetinshe, ol 2021 jyldan bastap 2023 jylǵa deıin mundaı ekskýrsııalardy qadaǵalaýshy organdarmen kelispeı ótkizgen.

Kım óz kinásin moıyndaǵan joq. Ol tek jarnama jarııalaýǵa arnalǵan elektrondy alań usynǵanyn aıtyp, týrlardyń ótkizilýine tikeleı qatysy bolmaǵanyn málimdedi.

Sot ekeýin de qaýipsizdik talaptaryna sáıkes kelmeıtin qyzmet kórsetip, abaısyzda eki nemese odan da kóp adamnyń ólimine ákep soqty dep aıyptady. Olar Reseı Federaııasy Qylmystyq kodeksiniń 238-baby 3-bóligine sáıkes (Qaýipsizdik talaptaryna saı kelmeıtin taýarlar men ónimderdi óndirý, saqtaý, tasymaldaý ne ótkizý, sondaı-aq jumystardy oryndaý nemese qyzmetter kórsetý) degen aıyppen kináli dep tanyldy.

Tergeý nusqasy boıynsha 2023 jylǵy 20 tamyzda 7 týrıst pen gıd Konstantın Fılıppov Neglınka ózeniniń zańsyz jerasty ekskýrsııasyna attanǵan. Kenetten jaýǵan qatty jańbyr saldarynan sý deńgeıi kúrt kóterilip, kollektor tolyǵymen sý astynda qalǵan. Ekskýrsııaǵa qatysqan barlyq 8 adam, onyń ishinde gıd te qaza tapqan. Olardyń denelerin izdeý jumystary eki kúnge sozylǵan.

Eske salaıyq, buǵan deıin áleýmettik jelide bloger Álisher Elikbaev Reseıde ádiletsiz sottalǵan dosyn qorǵap, Reseıge barýdyń qaýipti ekenin eskertti. Ol dostarymen birge eki jyl boıy startaper Aleksandr Kımdibosatýǵa tyrysty. Kım týrıstik týrlar platformasy — Sputnik8.com-dy qurǵan. 2023 jyly Máskeýde ekskýrsııa kezinde 8 adam qaıtys bolǵan soń, Kım kinásiz bolsa da, uıymdastyrýshy retinde qamaýǵa alyndy. Negizgi jaýapty tulǵa shetelge qashyp ketken edi. Qazaqstannyń SIM Kımge konsýldyq kómek kórsetip jatqanyn rastaǵan edi. Kım zardap shekkendermen kelisimge kelip, ótemaqy tólegen. Jeli qoldanýshylary Reseıge sapardyń qaýipti ekenin aıtyp, ondaı sheshimdi synǵa aldy.