Medeý Arynbaevtyń “Darıǵa júregi” Darıǵa Nazarbaevaǵa arnalǵan án bop shyqty

Foto: ashyq derekkóz

Halyq arasynda keńinen tanylǵan «Darıǵa júrek» áni arnaıy tapsyryspen Darıǵa Nazarbaeva úshin jazylǵan, — dep habarlaıdy qandastar.kz Massaget.kz saıtyna silteme jasap. 

Osydan 20 jyl buryn jaryqqa shyqqan «Darıǵa júrek» ániniń avtory — Baýyrjan Esebaev, al halyqqa tanytqan oryndaýshy – Medeý Arynbaev.

«Negizi bul aqparatty buryn ashyq aıtqan emespin. Kúnderdiń kúninde maǵan sol kezdegi «Habar» telearnasynyń bas prodıýseri Serik Abas-Shah habarlasty da, telearna jaqqa kelýimdi ótindi. «Darıǵa Nazarbaevanyń týǵan kúni kele jatyr. Soǵan bir án jazyp, klıp túsirýimiz kerek» dedi. Sóıtip tapsyrys aldym. Ýaqyt ótip jatyr, Serik Abas-Shah ta meni asyqtyrdy. «Án qaıda, án qaıda?» dep kúnde suraıdy. Ár ándi jazǵan kezde izdenesiń ǵoı, sol kezde men Muqaǵalı Maqataevtyń «Darıǵa júrek» degen poemasyn kórip qaldym. Shyǵarmadan qatty áser aldym. Sol kezde osy «Darıǵa júrek» degen án jazsam degen oı keldi. Ánniń ataýyn solaı taptym. Al Muqaǵalı atamyzdyń «Darıǵa júrek» poemasy ıdeıanyń kózi boldy. Sodan keıin osy «Darıǵa júrek» degen ataýdy alyp, ózim áni men sózin jazyp, Serik Abas-Shahqa ótkizip jibersem dep josparladym. Áıteýir Darıǵa degen aty tur, ony Serik aǵa bile qoımas dep oıladym. Sóıtip Serik Abas-Shah ándi qýana-qýana alyp, sol sátte-aq án óńdeýshi Rınat Gaısınge berdi», — deıdi Baýyrjan Esebaev.