Фото: ашық дереккөз
Солтүстік Қазақстан облысында мемлекеттік сатып алу саласында бірнеше заңбұзушылықтар анықталды, деп хабарлайды qandastar.kz
Қадағалау органының жүргізген тексерулері нәтижесінде, Шал ақын ауданы әкімінің аппаратының қызметкерлері сот шешіміне қарамастан, жеткізушілерді адал емес қатысушылар тізіліміне енгізу үшін қажетті деректерді уәкілетті органға жолдамағаны белгілі болды.
Ұқсас заңбұзушылықтар Аққайың ауданының тұрғын үй-коммуналдық шаруашылық бөлімі, Мүсірепов және Уәлиханов аудандарының білім бөлімдері, сондай-ақ Ақжар, Қызылжар, Жұмабаев, Шал ақын, Уәлиханов аудандарының әкімдіктері және Ақжар мен Уәлиханов аудандарының медициналық мекемелерінде, соның ішінде Психикалық денсаулық орталығында да тіркелді, деп атап өтті прокуратура өкілдері.
Тимирязев ауданында білім бөлімі бір жыл бойы адал емес жеткізуші туралы деректерді уәкілетті органға жібермей келген. Прокурорлар араласқаннан кейін 15 лауазымды тұлға жауапкершілікке тартылып, 26 адал емес жеткізуші тиісті тізілімге енгізілді. Бұл олардың алдағы уақытта мемлекеттік сатып алуларға қатысуына шектеу қояды.