Әнші Света Айтбаева не себепті жұбайы Қанат Айтбаевтың тегін алғанын баяндады. Танымал ерлі-зайыпты QAZAQSTAN ұлттық арнасының «1001 түн» бағдарламасына қатысып, отбасылық өміріне қатысты сырларымен бөліскен, деп жазады qandastar.kz.
Өнер иесінің айтуынша, тұрмысқа шығудан бұрын ол өз фамилиясын сақтап қалуды қалаған. Алайда кейін бұл ойынан бас тартуына тура келген.
«Мен Қанатқа тегімді өзгертпеймін, сенің фамилияңды алмаймын деп ашық айттым. Бірақ мені көндіре алмаған соң, ол той кезінде әжеме барып, бәрін түсіндіріпті. Әжемнің айтқанына қарсы келе алмадым. Осылайша Қанаттың табандылығы жеңіп шықты», – деді әнші.
Бұл сөздер әлеуметтік желі қолданушылары арасында кеңінен талқыланды. Кейбірі отбасындағы үлкендердің пікірін сыйлау дұрыс десе, басқалары әйел адамның өз таңдауын жасауға толық құқығы болуы керек екенін атап өтті.
@qazaqstan.tv_ Света Айтбаева: Өз тегімде қалғым келді Жұлдызды жұп Қанат пен Света Айтбаевтар «1001 түнде» қонақ болды. «Мен Қанатқа өз тегімде қаламын, сенің тегіңді алмаймын деп айтқанмын. Алайда ол мені көндіре алмаған соң, той үстінде әжеме барып, жағдайды түсіндірген. Әжемнің сөзіне қарсы шыға алмадым. Солай Қанаттың қайсарлығы бәрінен басым түсті», — деді ол.
