«Менің атым — Қожа» туындысында Қожаны сомдаған Нұрлан Сегізбаев көз жұмды, деп хабарлайды qandastar.kz порталы.
Бұл туралы мәдениет және ақпарат министрлігі мәлім етті.
Нұрлан Сегізбаев — Қазақстанның еңбек сіңірген қайраткері, белгілі актер, сценарист, кинодраматург.
«Өнерсүйер жұртшылыққа әлі күнге құндылығын жоймай келе жатқан Абдолла Қарсақбаевтың «Менің атым Қожа» фильміндегі басты рөлімен танымал өнер иесі қазақ кино өнеріндегі дара тұлға болды», — делінген мәлімдемеде.
