«Meshitte neke qııý degen bolmaǵan»: Qydyráli men Qaraqat otbasy qurǵan sátterin esine aldy

Tanymal ánshi Qaraqat Ábildına osydan 20 jyl buryn turmysqa shyqqan sátin esine aldy, dep habarlaıdy Qandastar.kz

«Bizdiń otbasymyz úshin erekshe kún. Dál osy 20 tamyz kúni aq nekemiz qıylyp, jańa ómirge qadam basqan edik.
Instagram bolmaǵan shaqta da bul kún eleýsiz qalǵan emes, jyl saıyn shúkirshilikpen eske alamyz.

Byltyr kúmis toıymyzdy atap óttik bilesizder. Toıdyń erekshe sáti alǵash nekemizdi qıyp, batasyn bergen Lesbek qajynyń shırek ǵasyrdan keıin baqyt toıymyzdyń taǵy da kýási bolyp, ortamyzda bolǵany edi.

Biz úshin úlken qýanysh, tereń máni bar sát. Mine, sol alǵashqy sát pen byltyrǵy kúmis toıymyzdan shaǵyn estelik vıdeosyn bólisip otyrmyn. Qarap otyryp, bir sátke, sol jyldarǵa qaıta oralǵandaı boldym. Ár shańyraq meshitte Allanyń razylyǵy úshin aq nekemen bastalýy tıis. Biraq bizdiń zamanda meshitte neke qııý degen úrdis bolmaǵan. Biz alǵash bastaǵan sol izgi joldyń keıin qalypty dástúrge aınalǵanyn kórý óz aldyna bir qýanysh”, – dep jazdy ánshi.