Министр: Air Astana Бибігүл Төлегеноваға құрмет көрсету керек еді

Фото: ашық дереккөз

Қазнетте Air Astana әуе компаниясы қызметкерінің  халық әртісі Бибігүл Төлегеноваға көрсеткен дөрекілік әрекеті көпшіліктің арасында резонанс тудырды, деп хабарлайды Qandastar.kz.

Осыған байланысты ҚР Мәдениет және ақпарат министрі Аида Балаева  өзінің Facebook парақшасында пікір қалдырды.

Құрметті достар!
Қазақстанның және КСРО-ның халық әртісі, аты аңызға айналған әнші Бибігүл Төлегеновны Air Astana әуе компаниясының бортына отырғызу кезінде болған өте ыңғайсыз жағдай мені де қатты алаңдатты.
Әуе компаниясы бұл мәселе қатысты түсініктеме беріп, әуе қауіпсіздігінің халықаралық ережелері еске салды. Әрине, ұшақтың және жолаушылардың қауіпсіздігін қамтамасыз етуге арналған ережелер қатаң сақталуға тиіс.
Дегенмен, әуе компаниясымен пікір қайшылығына бармай-ақ, орын алған жағдайға байланысты өз ойымды білдіргім келеді. Нақтырақ айтқанда, әуе компаниясы мен оның қызметкерлері ішкі нұсқаулықтардан бөлек, қарапайым этиканы, адами қарым-қатынасты сақтап, өз клиенттеріне құрметпен қарауы керек деп есептеймін. Әсіресе, жасы үлкен жолаушыларға, Отан алдында айрықша еңбегі бар адамдарға ерекше құрмет көрсетілуге тиіс. Өйткені аға буынға құрмет – тәрбие мен ішкі мәдениет мәселесі.
Ал қазақ өнерінің бұлбұлы, өнер майталманы Бибігүл Ахметқызына зор денсаулық, ұзақ өмір мен сарқылмас күш-жігер тілеймін! – деді министр.

Осы оқиғаға орай, Air Astana әуе компаниясының президенті Питер Фостерге жолданған үндеу хат жарияланды. Үндеуде компания қызметкерінің 94 жастағы халық әртісі Бибігүл Төлегеноваға қатысты дөрекілік көрсетілгенін және кешірім сұрау талабы бар.