Мұнай бағасы қымбаттап жатыр

Фото: ашық дереккөз

Мұнай бағасы бесінші күн қатарынан қымбаттады, деп жазды qandastar.kz

Әсіресе, Еуропа мен АҚШ-та қара алтын құны біршама көтерілген. Бұған «экспорт көлемінің азаюы мүмкін» деген болжам әсер еткен. Дүйсенбі күні АҚШ Президенті Дональд Трамп Венесуэла мұнайына баж салығын енгізді. Нақтырақ айтсақ, аталған елдің мұнай-газын сатып алған әр мемлекеттен 25 пайыздық алым алынады. Ал, қара алтын экспорты Венесуэла үшін негізгі табыс көзі. Басты импорттаушы ел-Қытай. Бұдан бөлек, Трамп Иран мұнайына да бірнеше санкция жариялады. Осылайша, бір апта ішінде қара алтын нарығын құбылтып жіберді. Қазір Brent маркасы бір баррель үшін 73 доллар 12 центке бағаланса, WTI құны 69 доллар 10 центке жетті.