«Мұндай ақшам болса Қазақсанда жүріп нем бар?»: Салық «төлемегендердің» тізіміндегі қазақстандықтар

Естеріңізде болса, туған күнімде ешқандай сыйлық қабылдамай, “Мүмкіндігі шектеулі балаларға арналған оңалту орталығына көмектесейік” деген бастама көтердім. Сол кезде 77 миллион теңге жиналып, оның үстіне өз қаражатымнан қомақты үлес қосып, орталыққа бердік. Қазіргі күнге дейін сол орталықтың шығынын өз мойныма алып келемін. Бүгінде ай сайын 300-ден астам бала тегін емделеді. Егер банктік карталарға түскен қаражаттарды осылай салық есебіне енгізетін болса, онда әрбір Қазақстан азаматының картасы тексерілуі мүмкін. Бұл жағдай сіздің де басыңызға түсуі ғажап емес, сол себепті кіріс-шығысыңызды есептеп жүргеніңіз абзал. Мен жарнама арқылы ақша тапқан емеспін! Құдайға шүкір, өз кәсібім бар, табысым өзіме жеткілікті азаматпын, дейді кәсіпкер.

Бұл жайтқа қатысты белгілі қоғам қайраткері, саясаткер Мұхтар Тайжан да пікір білдірді. Ол салық қызметкерлеріне жүгініп, не үшін блогерлердің тізімінде жүргенін сұраған. Олар, өз кезегінде, Тайжанның Facebook, Instagram парақшаларында және YouTube-арнасында оқырман көп болғандықтан блогерлер тізіміне қосып қойған.

«Салық қызметкерлері мені заңсыз жарнамамен айналысты деп күдіктеніп, ол бойынша салық төлемеді деп ойлап, менің барлық жеке банк карталарымнан барлық қолма-қол ақша операцияларын сұрады. Менің ақша айналымыма қол жеткізіп, салық қызметкерлері оның бәрі жарнаманың ақшасы деп ойлаған. Бірақ оның ішінде заңды тұлғалардан бірде-бір ақша түспеген. Бәрі жеке аударымдар – отбасылық аударымдар, басқа банктегі шоттарымнан, өз депозиттерімнен, банкоматтардан қолма-қол ақшаны толтыру және т.б. Салық органдары мұның барлығын жарнама үшін салық салынатын табыс ретінде есепке алған.

P.S: Дәл осындай құлшыныспен салық қызметкерлері Азаттық тілшілері анықтаған Біріккен араб әмірліктерінде элиталы үйлері бар екені анықталған шенеуніктер, судья, банкрот болып жатқан ұлттық компаниялардың басшыларын тексерсе жақсы болар еді», дейді Тайжан.

Сонымен қатар, әлеуметтік жазбалардың бірінде белгілі блогер Өркен Кенжебек те тізімде жүруіне қатысты пікір білдірген.

«Айналамдағы бар ақшаны есепке алған-ау. Мұндай ақшам болса Қазақсанда жүріп нем бар?» дейді блогер.