Nazgúl men Qundyzǵa syılanǵan baspana ózge adamǵa satylyp ketken

Foto: skrın

Túrkistan oblysynda 17 jyl boıy quldyqta bolǵan Nazgúl men Qundyzǵa syılanǵan baspana ózge adamǵa satylyp ketken. Bul týraly jýrnalıst Rýslan О́tepbaı málim etti, dep jazdy qandastar.kz

Aıta keteıik, 2023 jyldyń qyrkúıek aıynda Ilııas Sárıev esimdi bloger jigit apaly-sińili qyzdarǵa baspana kiltin tabystaǵan.

Jýrnalıst úıdiń qurylysy qashan bitetinin bilý úshin Almaty oblysy Qarasaı aýdany Kemertoǵan aýylyna baryp qaıtqan.

Atalǵan jerdegi qurylysshylar úıdi Marsbek degen kisige satylǵanyn jáne jóndeý bitken soń qonaqúı bolatynyn aıtqan. Keıni Rýslan О́tepbaı Krisha.kz saıtynda Qundyz ben Nazgúlge berilý tıis baspana 45 mln teńgege satylymǵa shyǵarylǵanyn anyqtady.

«2022 jyldyń jaz aıynda Ilııas Sarıev «Elge kómek» qaıyrymdylyq qorynyń atynan Almaty oblysy, Qarasaı aýdany, Kemertoǵan aýylynan 10 muqtaj janǵa tegin baspana beremiz dep, elden sadaqa jınaǵan.

Kimniń esepshotyna deseńizder, aıtaıyn. Álgi MM TRAVELDIŃ IESI Aqtoty Bolatqyzynyń qaltasy maılanǵan. «Eldiń úıi» degen tamasha atty ıelengen baspanaǵa sekýnd saıyn qalyń qazaq qomaqty somma salǵan», — dep jazdy R.О́tepbaı.