Netflix-тегі жоба авторлары Жошы хан туралы сериал түсіреді

Фото: Коллаж Ulysmedia

Бүгінде сценарий жазылып біткен. Түсірілім орындары табылды. Кастинг жүріп жатыр. Жақынарада түсірілім жұмыстарын бастау жоспарланып отыр. Шығармашылық топ мемлекеттік кеңесші Ерлан Қаринмен жеке кездесіп, Алтын Орданың негізін қалаушы хан Жошы туралы шағын сериалдың алдағы түсірілімін талқылады, деп жазады qandastar.kz

Karga Seven Pictures продюсерлік орталығының мәліметінше, сценарийді дайындауға Джастин Поллард («Викингтер») және Клэр Морсум («Оутлоу Кинг») сияқты танымал жазушылармен қатар қазақстандық және халықаралық тарихшылар, сарапшылар қатысқан.

atamekenbusiness_qaz хабарлағандай, Karga Seven Pictures Жошы хан туралы сериал түсіретінін биылғы жылдың көктемінде хабарлаған. Компанияның негізін қалаушылардың бірі – Емре Шахин Түркия мен халықаралық кинонарықта үлкен тәжірибесі бар маман. Netflix үшін «Осман империясының өрлеуі» сияқты танымал жобаларды жүзеге асырған.