Жаңалықтар
Нұрәлі Әлиев «Транстелеком» басшылығынан кетті
Фото:ашық дереккөзден
Нұрәлі Әлиев «Транстелеком» басшылығынан кетті, деп жазды qandastar.kz
«Транстелеком»-да 10 жылдан астам жұмыс істегеннен кейін мен акционерлік құрамнан шығып, компанияның директорлар кеңесінің төрағасы қызметінен кету туралы шешім қабылдадым», – деп жазды ол әлеуметтік желідегі парақшасында.
Нұрәлі Әлиевтің айтуынша, 2013 жылы ол компания басшылығына келгенде «Транстелеком» теміржол секторымен жұмыс істейтін шағын байланыс операторы ғана болған.
“Осы жылдар ішінде компания ұлттық деңгейге шығып, толыққанды IT және инфокоммуникациялық қызметтерді ұсынатын компанияға айналды”, — деді.
Айта кетейік, Транстелеком компаниясының 75% акциясын Нұрәлі Әлиев пен Дмитрий Покупатев иеленді. Қалған 25%-ы «Қазақстан темір жолы» компаниясына тиесілі. Компания бұрын мемлекет меншігінде болған. 2015 жылы «Транстелеком» 9 млрд теңгеге жекешелендірілді деген ақпарат тарады.
