Nurlan ımam Tramp ótkizgen qaıyrymdylyq asqa qatysty

Nurlan ımam degen atpen tanymal Nurlan Baıjigituly AQSh astanasy Vashıngtonda ótken Aq úıdiń qaıyrymdylyq tańǵy asyna qatysqan, dep jazdy qandastar.kz

Vashıngtonda ótken is-sharaǵa 2500 adam jınalǵan. Sondaı-aq, qaıyrymdylyq tańǵy asynda AQSh-tyń prezıdenti Donald Tramp sóz sóılegen.

«Amerıka Qurama Shtatynyń 45-shi jáne 47-shi prezıdenti Donald Tramp myrza qaıyrymdylyq sharada sóz sóıledi. Eń ileri: «Qudaıym meni atqan adamǵa óltirtpeı, sizderdiń aldaryńyzǵa shyǵarýy, bul — elim úshin syı ári meniń kóp dúnıelerdi jaqsy jaǵyna ózgertýime sebep» dep aıtqany. Bul sózin Vashıngtonda tap meniń aldymda aıtqany maǵan úlken áser berdi. Otyrǵan ornym da týra aldyna túsken eken. Qasymda Armenııa, Kosovo, Ýkraına jáne t.b. memleket prezıdentteri otyrdy. Túıgenim: Elimizdiń árbir azamaty amanatty sezinip, isine adal, júregi taza, Otanyn shynaıy súıip qyzmet etse, bizdiń de alǵa basar qadamdarymyz qaryshtaıtynyna senimim mol aǵaıyndar…» — dedi ol.

Aıta keteıik, Nurlan ımam — Astanadaǵy «Yryskeldi qajy» meshitiniń bas ımamy. Ol keıingi birneshe jyldan beri áleýmettik jeliler arqyly halyqqa jaqsy tanys.