«Ойым өзгерді»: Елдос Сметов күтпеген мәлімдеме жасады

фото: caravan

Париж Олимпиадасының алтын жүлде иегері Елдос Сметов Qazaqstan телеарнасына берген сұхбатында енді төрт жылдан кейін Лос-Анжелесте өтетін дүбірлі додаға дайындалатынын айтты, деп хабарлайды qandastar.kz.

Осы уақытқа дейін Олимпиада алтынын алып, спорттағы карьерамды аяқтағым келді. Алайда Демеу Жадыраев 34 жасында Олимпиада ойындарында күміс медаль алғаннан кейін ойым өзгерді. Демеу мүмкін емес дүние жоғын дәлелдеді. Лос-Анжелесте өтетін Олимпиадаға дайындалып, көк туымызды тағы да биікке көтергім келеді», – дейді Елдос Сметов.

Айта кетсек, ол бұдан бұрын мансабын аяқтау жөнінде әлі шешім қабылдамағанын айтқан еді.