Оқушыларға балтамен шабуыл жасалған мектеп директоры қызметінен кетті, деп хабарлайды qandastar.kz порталы облыстық білім басқармасына сілтеме жасап.
Оқиға Құлсары қаласында болған еді.
Білім басқармасының мәліметінше, мектеп директоры өз еркімен қызметінен кетті.
«5 ақпанда ол қатаң сөгіс алды, ал 6 ақпанда оның қызметінен кету туралы өтініші мақұлданды», — делінген мәлімдемеде.
Естеріңізге сала кетейік, 10-сынып оқушысы қатарластарымен болған жанжалдан кейін оларға балтамен шабуыл жасаған.
Салдарынан екі оқушы жеңіл дене жарақатын алған.
