Jańalyqtar

Pavlodar oblysynda muǵalim jetim balaǵa arnalǵan páterde turyp kelgen

Foto: pixabay

Pavlodar oblysy prokýratýrasy memlekettik turǵyn úıdi bólýde birqatar zańbuzýshylyqtardy anyqtady, dep habarlaıdy  qandastar.kz aqparat portaly Azattyq Rýhy-na silteme jasap.

Atap aıtqanda, Jelezın aýdanynda páterler turǵyn úı komıssııasynyń sheshiminsiz jáne jaldaý sharttarynsyz laýazymdy tulǵalarǵa berilgen. Bul jerde «Kel de tura ber» degen beıresmı tájirıbe qalyptasqan.

«Mysaly, Bashmachın mektebiniń muǵalimi 2022 jyldan beri jetim balaǵa arnalǵan páterde turǵan. Sonymen qatar 70 jalǵa alýshy jaldaý aqysyn tólemegen, jalpy qaryz 6,5 mıllıon teńgege jetken. Alaıda jergilikti atqarýshy organdar bul qaryzdy óndirip alý sharalaryn qabyldamaǵan», – dep málimdedi prokýratýra.

Budan bólek, memlekettik turǵyn úı úshinshi tulǵalarǵa berilgen jaǵdaılar da tirkelgen. Kezek tiziminde marqum bolǵan azamattar bolǵan. Al shyn muqtaj jandarǵa bos páterler bólinbegen – ákimdik balansynda 65 bos páter bolsa, kezekte 209 adam turǵan.

«Myńkól aýylynda tórt páter bos tur. Al turǵyn úı kezeginde kópbalaly otbasy, jetim balalar jáne áleýmettik osal top ókilderi bar bes adam kezekte tur», – dep qosty prokýratýra.

Tekserý qorytyndysy Memlekettik qyzmet isteri departamentiniń Ádep keńesinde qaralyp, Jelezın aýdanynyń Naqty sektor ekonomıkasy bóliminiń basshysyna tártiptik jaza retinde qyzmetine tolyq sáıkes emestigi týraly eskertý berildi.

Ilmekter

Osy aıdarda

Dobavıt kommentarıı

Close