Perızat Qaırat Palestınaǵa kómekke jınaǵan aqshaǵa gúl dúkenin ashqan

Foto: ashyq derekkóz

2025 jyly 14 naýryzda Qaırat P. pen Alashbaeva G. áreketteri saraptalyp, olar alaıaqtyqtyń asa iri kólemde jasalýyna jáne qylmystyq jolmen alynǵan qarajatty zańdastyrýǵa kúdikti dep tanyldy, dep jazdy qandastar.kz

Perızat Qaırat 2021-2024 jyldar aralyǵynda kóp ret qaıyrymdylyqk ómek kórsetý maqsatynda halyqtan aqsha jınaýǵa shaqyrǵan. Onyń aıtýynsha, bul qarajattar muqtaj balalarǵa, Palestına jáne sý tasqynynan zardap shekkenderge kómek kórsetý úshin jumsalmaq bolǵan.

Jalpy urlanǵan qarjy kólemi 3,5 mlrd teńgeni qurady.

Qaırat P. «Biz Birgemiz Qazaqstan 2030» qoryna túsken qarajatty óz jeke jáne anasy Alashbaeva G-nyń esepshottaryna aýdaryp, keıin olardy zergerlikb uıymdarǵa, kıim-keshekke, jıhazǵa, saıahattarǵa, jóndeý qyzmetterine, avtokólik jaldaý jáne basqa da shyǵyndarǵa jumsaǵan.

Aıta keteıik, 2024 jyly 1 sáýir men 15 qarasha aralyǵynda Qaırat P. sýtasqynynan zardap shekkenderge kómek kórsetý maqsatynda «Biz Birgemiz Qazaqstan 2030» QQ-nyń esepshotyna 2,8 mlrd teńge jınalyp jymqyrylǵany anyqtaldy.

Qylmystyq tabysty jymqyrý maqsatynda ol 16 seriktes jeke kásipkerlermen metaldan jasalǵan kıiz úıler, qaıyqtar, etikter jáne basqa da zattardy jetkizý jóninde jalǵan kelisimder jasasqan. Alaıda bul kelisimder is júzinde oryndalmaǵan.

Nátıjesinde mıllıard teńgeden astam qarajat qolma-qol aqshaǵa aınaldyrylyp, jeke maqsattaryna jumsalǵan.

Osy somanyń 72 mln teńgesi onyń anasy G.Alashbaevanyń esepshotyna «Soltústik Qazaqstan oblysyndaǵy zardap shekken turǵyndarǵa turmystyq tehnıka alý» dep aýdarylǵan.

Aqshanyń bir bóligine somasy 6,9 mln teńge quraǵan «Rolex» saǵatyn satyp
alýǵa jumsalǵan. Palestınaǵa kómek kórsetý úshin jınalǵan qarajattyń bir bóligi 2024 jyldyń qańtarynda P.Qaırat «Rebel flowers» JShS-in satyp alýǵa jumsalǵan.
Onyń quny 23 mln teńge bolsa da, ol kelisim-shartta kúdik týǵyzbaý úshin 2 mln
teńgege tómendetilgen somany kórsetken. Gúl bıznesinen túsken tabysy 69 mln
teńgeni qurady.

Sonymen qatar, urlanǵan qarajatqa 4 avtokólik, 4 páter, 2 avtoturaq ornyn,
úı, jer telimin jáne ǵımarat satyp alynǵan. Sondaı-aq, jalpy quny 158 mln teńge bolatyn zergerlik buıymdar, aıaq kıim jáne sómkeler tárkilendi.

Jalpy quny 865 mln teńgeni quraıtyn qylmystyq jolmen alynǵan Múlikke tyıym salyndy.

G.Alashbaevaǵa qatysty úı qamaý túrindegi bultartpaý sharasy qabyldandy.
Qazirgi tańda qylmystyq is boıynsha barlyq qatysýshylar is materıaldarymen
tanysýda.