Perızat Qaırattyń Kembrıdjde oqyǵany ras pa?

Foto: ınstagram

Perızat Qaırattyń tek aıaqtalmaǵan orta bilimi bar ekeni jaıly derek qazaqstandyqtardy tańǵaldyrdy, dep habarlaıdy qandastar.kz

Sebebi ol áleýmettik jelide ózin Kembrıdj ýnıversıtetiniń stýdenti retinde tanystyryp kelgen edi. Belgili bolǵandaı, Perızat Qaırat (burynǵy tegi — Qasenǵalıeva) Aqtaýda 9 «E» synybyn bitirgen. 2006 jyly Qarataev atyndaǵy Mańǵystaý oblystyq óner kolledjine «hor dırıjerligi» mamandyǵyna oqýǵa túsip, 2008 jyly Almatydaǵy J. Elebekov atyndaǵy estrada-ırk kolledjine aýysady.

Biraq sol jyldyń 24 qazanynda ekinshi kýrstan óz ótinishimen shyǵyp ketken. Kolledj ókilderi onyń tártip buzbaǵanyn rastady. Sot proesi kezinde prokýror Madına Orazalına Perızattyń esimi «Týran-Astana» ýnıversıtetinen tabylǵan qujattarda da kezdesetinin aıtty. Alaıda ýnıversıtet resmı túrde:

«Perızat Qaırat bizdiń oqý ornymyzda bilim almaǵan jáne bizdiń dıplomymyzdy almaǵan», — dep habarlady.

Perızattyń Instagram paraqshasynda 2015–2016 jyldary Malaızııadaǵy Nottıngem ýnıversıtetiniń kampýsynan túsirilgen fotolary bar. Ol bul ýnıversıtette oqyǵanyn jazǵan. Rasynda, 2016 jyly onyń atyna berilgen stýdenttik ruqsat qaǵazy bolǵan. Biraq bul oqý ornyna túsý úshin tolyq orta nemese arnaıy orta bilim qajet edi.