Prezıdent Italııa Mınıstrler Keńesiniń tóraǵasymen keńeıtilgen quramda kelissóz júrgizdi

Qasym-Jomart Toqaev Qazaqstanǵa resmı saparmen kelgen Djordja Melonımen keńeıtilgen quramda kelissóz júrgizdi. Jıynǵa eki el delegaııalary qatysty. 

Memleket basshysy Qazaqstan men Italııa strategııalyq seriktes ekenin atap ótti. Qos eldiń qarym-qatynasy ózara qurmetke, senim men ortaq múddege negizdelgen.

Prezıdent memleketter arasynda tyǵyz saıası dıalog ornap, berik ekonomıkalyq yntymaqtastyq damyp kele jatqanyn jetkizdi. Sonymen qatar mádenı-gýmanıtarlyq baılanys bekı túskenine nazar aýdardy.

Qasym-Jomart Toqaev Qazaqstan Italııanyń Ortalyq Azııadaǵy jetekshi seriktesi, al Italııa elimizdiń saýda áriptesteriniń úshtigine enetin jáne iri ınvestorlarynyń biri ekenin aıtty. Elder arasyndaǵy taýar aınalymy 24 paıyzǵa artyp, ótken jyly 20 mıllıard dollarǵa jetti.

– Sizdiń basshylyǵyńyzben Italııa Úkimetiniń Qazaqstanmen aradaǵy tyǵyz qarym-qatynastardy saýda jáne ınvestıııa salalarynda ǵana emes, parlamentaralyq yqpaldastyq baǵytynda damytýǵa umtylysyn joǵary baǵalaımyz. Sondaı-aq ekijaqty gýmanıtarlyq yqpaldastyqqa da shynaıy rızashylyǵymyzdy bildiremiz. Sizdiń bul saparyńyzdyń eki el arasyndaǵy yntymaqtastyqqa tyń serpin berý turǵysynan mańyzy zor. Halyqaralyq arenada Qazaqstan men Italııanyń baılanystary senimdi ári strategııalyq seriktes sıpatynda jalǵasa beredi dep senemin, – dedi Memleket basshysy.

Prezıdent sońǵy jıyrma jylda Italııa Qazaqstan ekonomıkasyna 7,6 mıllıard dollarǵa deıin ınvestıııa quıǵanyn atap ótti. Sondaı-aq Qazaqstanda ENI, SDF Group, PetroValves, Maire Tecnimont jáne Ballestra sekildi iri ınvestorlar bastaǵan 270-ke jýyq ıtalııalyq kompanııa tabysty jumys istep jatqanyn jetkizdi.

Djordja Melonı eki el arasyndaǵy yqpaldastyqty joǵary baǵalap, onyń strategııalyq seriktestik rýhyna saı keletinin aıtty

– Sizdi kóregen kóshbasshylardyń biri sanaımyn. Qazirgi syn-qaterlerdi tereń túsinetin adammen áńgimelesý men úshin óte qundy. Osynaý qıyn kezeńde jaqsy jańalyqtar da bar. Sonyń biri – Italııa men Qazaqstan arasyndaǵy qarym-qatynas. Bizdiń baılanystarymyzdyń deńgeıi joǵary. Muny buǵan deıin birneshe ret atap óttik. Degenmen yntymaqtastyqty odan ári nyǵaıtýǵa múmkindik jetkilikti. Meniń saparymnyń maqsaty da osy. Sizdiń elińizdiń Batys pen Shyǵysty baılanystyryp jatqan altyn kópir retindegi tarıhı mánin jaqsy bilemiz, – dedi Italııa Premer-mınıstri.

Kelissóz barysynda ekijaqty kún tártibiniń negizgi baǵyttaryn qamtıtyn kóptegen másele talqylandy.

Qasym-Jomart Toqaev pen Djordja Melonı Qazaqstan men Italııanyń qarym-qatynasyn qarqyndy damytýǵa yqpal etetin seriktestikti odan ár jandandyryp, jańa bastamalardy júzege asyrýǵa múddeli ekenderin rastady.