Prezıdent qazaqstandyqtardy Konstıtýııa kúnimen quttyqtady

Foto: Aqorda

Memleket basshysy qazaqstandyqtardy Konstıtýııanyń 30 jyldyǵymen quttyqtady, dep jazdy qandastar.kz

“Barshańyzdy Konstıtýııa kúnimen quttyqtaımyn! Osydan 30 jyl buryn ótken referendýmda halqymyz Ata zańyn qabyldap, tarıhı tańdaýyn jasady. Konstıtýııamyz Qazaqstan Respýblıkasy táýelsizdiginiń, qazaq memlekettiliginiń berik tuǵyryna aınaldy. Onda ultymyzdyń búginin jáne bolashaǵyn aıqyndaıtyn myzǵymas qundylyqtar men qaǵıdattar naqty kórinis tapty. Ata zań Qazaqstannyń barlyq azamatynyń múddesin ultyna, dinine qaramastan birdeı qorǵaıtyn áleýmettik memleket retindegi quqyqtyq irgetasyn qalyptastyrdy. Konstıtýııa qoǵamdyq kelisim men ishki turaqtylyqtyń basty kepili sanalady. San túrli saladaǵy jetistikterge osy negizgi zańymyzǵa súıene otyryp qol jetkizdik”, – delingen quttyqtaýda.

Sondaı-aq ol úsh jyl buryn el damýynyń jańa tarıhı kezeńindegi mindetterge sáıkes, aýqymdy konstıtýııalyq reforma jasalǵanyn atap ótti. Onyń basty nátıjesi – saıası júıeniń «Kúshti Prezıdent – yqpaldy Parlament – esep beretin Úkimet» tujyrymdamasynyń negizinde jańǵyrýy.

“Konstıtýııalyq reformada adam quqyqtaryn qorǵaýǵa, Zań men tártip ústemdigin ornyqtyrýǵa basa mán berildi. Ata zańǵa álemdik tájirıbede buryn-sońdy bolmaǵan, ınnovaııalyq sıpattaǵy birqatar jańa ereje engizildi. Qazaqstannyń konstıtýııalyq reformasyna Veneııa komıssııasy jáne ózge de bedeldi halyqaralyq uıymdar, sondaı-aq sheteldik sarapshylar oń baǵasyn berdi”, – dep qosty Toqaev.

Prezıdent ádiletti, Taza, Qýatty ári Qaýipsiz Qazaqstan quramyz desek, azamattarymyz Ata zańdy qurmettep, onyń barlyq erejesin múltiksiz saqtaýy kerek deıdi.

“Qazaqstan Respýblıkasynyń strategııalyq maqsattaryna ultymyzdy jumyldyratyn Konstıtýııamyzdyń aıasynda barsha azamatymyzdyń Otanymyzdy órkendetý úshin jasampazdyqpen eńbek etýine barlyq jaǵdaı jasalǵan. Elimizdiń barsha azamatyna zor densaýlyq, baq-bereke tileımin!” – dep túıindedi memleket basshysy.