Prezıdent Olımpıadaǵa qatysatyn qazaqstandyq sportshylarǵa týdy tapsyrdy

Prezıdent Qasym-Jomart Toqaev HHHIII jazǵy Olımpıada oıyndaryna qatysatyn Qazaqstan qurama komandasynyń múshelerine memlekettik týdy tapsyrdy, dep habarlaıdy qandastar.kz.

Qasym-Jomart Toqaev Ulttyq qurama sportshylarymen kezdesýde Parıjde bastalatyn dúbirli dodany búkil álem asyǵa kútetinin ári oǵan tórtkúl dúnıe túgel kóz tigip otyrǵanyn aıtty. Sonymen qatar úzdikterdiń úzdigi baq synaıtyn baıraqty básekege eń myqty sportshylarymyz bara jatqanyn atap ótip, el namysyn qorǵaý abyroıly mindet ekenine toqtaldy.

«Biz sizderge zor úmit artamyz. Búkil halqymyz – sizderge jankúıer. Jalpy, qazaq sport mektebiniń mártebesi qashanda bıik. Sportshylarymyz árdaıym elge júldemen oralyp júr. Osy dańqty joldy abyroımen jalǵaısyzdar dep senemin. Shyn máninde, sizderdiń jeńisterińiz tutas Qazaqstannyń jeńisi bolmaq. Kók týymyz jelbirese, ultymyzdyń rýhy asqaqtaıdy», — dedi memleket basshysy.