Prezıdent Reseı patrıarhy Kırıllmen kezdesti

Aqorda

Memleket basshysy Álemdik jáne dástúrli dinder kóshbasshylarynyń VIII cezine qatysý úshin Astanaǵa kelgen Máskeý jáne búkil Reseı patrıarhy Kırıllmen kezdesti, dep habarlaıdy qandastar.kz

Prezıdent búgingi kezdesý Qazaqstan men Reseı arasyndaǵy yntymaqtastyqty tereńdetý jolyndaǵy taǵy bir mańyzdy qadam ekenin atap ótti.

– Eń aldymen, Sezge arnaıy kelgenińiz úshin rızashylyǵymdy bildiremin. Sizdiń bul jıynǵa qatysýyńyz, shyn máninde, forýmnyń tabysty ótý turǵysynan mańyzdy. Biz Sizdi qurmetteımiz. О́zińizge málim, Qazaqstan men Reseı – strategııalyq seriktes, odaqtas elder, – dedi Memleket basshysy.

Patrıarh Kırıll Qasym-Jomart Toqaevqa qonaqjaılyq tanytqany úshin alǵys aıtyp, Orys pravoslavıe shirkeýiniń mıssııasy halyqtar arasyndaǵy beıbitshilik pen ózara túsinistikti nyǵaıtý ekenin málimdedi.

– Qasıetti Qazaqstanǵa kelý meni árdaıym qýantady. Bul bizdiń dostas elimiz. Ǵasyrlar boıy qatar ómir súrip kelemiz. Qazir memleketterimiz bólek bolǵanymen, dostyq, ózara qoldaý jáne yntymaqtastyq tinin berik jalǵap otyrmyz, – dedi Máskeý Patrıarhatynyń basshysy.

Qasym-Jomart Toqaev eki el arasyndaǵy rýhanı baılanystardy nyǵaıtýǵa qosqan úlesi úshin ári aıryqsha qurmet belgisi retinde Máskeý jáne búkil Reseı patrıarhy Kırılldi «Altyn Qyran» ordenimen marapattady.

Tolyq nusqasyna gıpersilteme berýdi umytpańyz: https://turkystan.kz/article/267486-qasym-zomart-toqaev-maskeu-zane-bukil-resei-patriarxy-kirillmen-kezdesu-otkizdi