Prezıdent Ulttyq qaýipsizdik komıtetiniń tóraǵasyn qabyldady

Foto: Aqorda

Prezıdentke vedomstvonyń aldaǵy kezeńge arnalǵan jospary, syn-qaterlerdi eskere otyryp ulttyq qaýipsizdikti qamtamasyz etý boıynsha qabyldanyp jatqan sheshimderi týraly baıandaldy, — dep habarlaıdy qandastar.kz

UQK tóraǵasy ulttyq qaýipsizdik organdaryn perspektıvti damytý baǵytynda júzege asyrylyp jatqan sharalar, jedel qyzmettik is-qımyldy uıymdastyrý jáne onyń qurylymyn jetildirý jóninde málimet berdi.

Qasym-Jomart Toqaevqa arnaıy qyzmetti kadrlyq jáne tehnıkalyq turǵydan nyǵaıtý, normatıvtik-quqyqtyq bazany jańǵyrtý, sondaı-aq Ulttyq qaýipsizdik komıtetindegi úderisterdi ońtaılandyrý men ıfrlandyrý jumystary jaıynda aıtyldy.

Sonymen qatar Memleket basshysyna halyqaralyq terrorızmge jáne dinı ekstremızmge, uıymdasqan qylmysqa, esirtki bıznesine qarsy turý, kıberqaýipsizdikti qamtamasyz etý, memlekettik shekarany qorǵaý jáne kúzetý salalaryndaǵy jaǵdaı týraly aqparat berildi.

Kezdesý sońynda Prezıdent ulttyq qaýipsizdik organdary qyzmetiniń negizgi baǵyttary boıynsha birqatar tapsyrma berdi.