Қасиетті Рамазан айының басталуына байланысты «Қазақстан Темір Жолы» арнайы акция бастады, деп хабарлайды qandastar.kz порталы.
Бұл уақытта пойыздарда алкоголь өнімдері сатылмайды.
«Жолаушылар тасымалы» АҚ пойыздарындағы вагон-ресторандар арнайы кесте бойынша қызмет көрсетеді
Аталған тәртіп 40 вагон-ресторанда енгізіледі.
Вагон-ресторандар күн сайын сағат 8:00-ден түнгі 24:00-ге дейін қызмет көрсетеді.
Ораза ұстаушыларға ыңғайлы болу үшін сәресі уақытында — сағат 04:00-ден 05:00-ге дейін ашық болып, жолаушыларға ораза басталғанға дейін таңғы астарын іше алады.
Рамазан айында вагон-ресторандарда арнайы әзірленген мәзір топтамалары ұсынылады.
Ауызашар кезінде вагон-ресторандарда жолаушыларға су мен құрма тегін беріледі.
