Raýshan Qudaıbergenniń uzatýy qazaq toıynyń formatyn ózgertti — Telejúrgizýshi

Belgili telejúrgizýshi Móldir Dospaeva Dımash Qudaıbergenniń týǵan qaryndasy Raýshannyń uzatý toıy qalaı ótkeni týraly aıtty, dep habarlaıdy Qandastar.kz.

«Barlyq derlik tanys-jaqynym, oqyrmanym ótken aptanyń eń ádemi keshin áńgimelep berýimdi surap jatyr. Toıdyń bolǵanynan boladysy qyzyq demekshi, daıyndyq birneshe aı buryn bastaldy. Senarıı 2 apta jazyldy. Uıymdastyrýǵa 100 shaqty adam qatysty. 10 shaqty beınerolık, 1 shaǵynmetrajdy fılm, 4 teatrlandyrylǵan kórinis, 30 mýzykalyq nomer daıyndaldy. Úzilissiz, bir de bir sekýnd kidirissiz 6 saǵat júrgizippiz. Bul kúni “Sáýkele kıgizý”, “Qudaǵı júzik taǵý” rásimderi nasıhattalyp, “Sharǵy oramal salý” dástúri jańǵyrdy. Osynaý burynǵydan ózgerek toıdy júrgizýdi Ardaq Qasymhan ekeýmizge artqan Qanat aǵa men Svetlana hanymǵa taǵy bir alǵysymdy aıtamyn», — dep jazdy Móldir Dospaeva.