Риэлторлар да алаяқтар қатарына қосылуда

Ресми деректе елімізде 2 мың компанияда жұмыс істейтін 25 мыңнан астам риэлтор бары көрсетілген. Алайда олардың саны әлдеқайда көп болуы мүмкін,-деп хабарлайды Qandastar.kz

Себебі риэлторлардың арасында заңсыз жұмыс істеп, кәсіпкер ретінде тіркелмей, табысын жасыратындар көп. 

Бұл аздай өздерін «сапалы қызмет көрсетуші» санайтын олар тұрғын үй сатып алуға, пәтер жалдауға ниеттенген тұтынушыларды алдап, шығынға ұшырататын түрлі айла-тәсілдерді тапты. Риэлторлық саласына қатысты нақты заң нормаларының болмауы да мәселені күрделендіріп барады.