Қазақстанның әйелдер арасындағы бірінші ракеткасы Елена Рыбакина Australian Open-2026 ашық чемпионатында сәтті өнер көрсетуін жалғастыруда, деп жазады qandastar.kz
Турнирде бесінші нөмірмен тіркелген қазақстандық теннисші төртінші айналымда әлемдік рейтингте 21-орында тұрған бельгиялық Элизе Мертенсті сенімді түрде жеңді.
Кездесу екі сетте — 6:1, 6:3 — есебімен аяқталып, 1 сағат 17 минутқа созылды.
Матч барысында Рыбакина 10 эйс жасап, бір қос қателікке жол берді және сегіз брейк-пойнттың үшеуін сәтті пайдаланды. Сонымен қатар, ол өз подачиында қарсыласына бірде-бір гейм бермеді.
Ширек финалда қазақстандық спортшы австралиялық Мэддисон Инглис пен әлемнің екінші ракеткасы — польшалық Ига Швентек арасындағы кездесудің жеңімпазымен ойнайды.
Айта кетейік, Рыбакинаның Australian Open турниріндегі ең үздік нәтижесі — 2023 жылы финалға шығуы. Ал өткен маусымда ол жарысты төртінші айналымда аяқтаған болатын.
