سالىق جۇيەسىن تولىق تسيفرلاندىرۋ قاجەت

بيىل مەملەكەت باسشىسى جاۋاپتى ورگاندارعا وسىنداي تاپسىرما جۇكتەدى. قازىر قارجى مينيسترلىگى جاڭا كودەكس جوباسىن ازىرلەپ جاتىر. ۆەدومستۆونىڭ مالىمەتىنشە, قۇجات ءماجىلىستىڭ قاراۋىنا كوكتەمدە ەنگىزىلۋى ءتيىس. سالىق جۇيەسىن جەتىلدىرۋگە قاتىستى قانداي ءىس-شارالار قولعا الىنادى? ەلىمىزدە سوڭعى 5 جىلدا بيۋدجەت تاپشىلىعى 11 تريلليون تەڭگەدەن اسقان. مۇنى مەملەكەت باسشىسى سىنعا الىپ, جاۋاپتىلارعا بيۋدجەت جانە سالىق ساياساتىنىڭ تيىمدىلىگىن ارتتىرۋدى تاپسىردى. ازىرگە قازىنا ماسەلەسى بيزنەستىڭ اينالىمداعى اقشاسى ەسەبىنەن شەشىلىپ كەلەدى. بۇدان بولەك بيۋدجەتتى ءبولۋ ءتارتىبى دە رەتتەلمەي تۇر. پرەزيدەنت سالىق جۇيەسىن تولىق تسيفلاندىرۋدى تاپسىردى. گۇلميرا احمەتوۆا, قر قم مكك IT-مەنەدجمەنت باسقارماسى باسشىسىنىڭ ورىنباسارى: — اۆتوماتتاندىرۋ سالاسىندا كوميتەتتىڭ ماڭىزدى جەتىستىكتەرى ەلەكتروندىق قىزمەت كورسەتۋدىڭ ۇلەسىن 99 پايىزعا جەتكىزۋ. ونىڭ ىشىندە سالىق ەسەپتىلىگىن ەلەكتروندى تاپسىرۋ بۇگىنگى كۇنى 99,7 پايىزعا جەتىپ وتىر. جالپى زاماناۋي تەحنولوگيالاردى ەسكەرە وتىرىپ, مەملەكەتتىك قىزمەت كورسەتۋدى سەرۆيستىك مودەلىنە تولىققاندى ءوتۋ جوسپارلانۋدا. سالىق ەسەپتىلىگىن الدىن الا تولتىرۋ جانە جاساندى ينتەللەكت, ءماتىندى اناليتيكانى كەڭىنەن قولدانۋ جوسپارلانىپ وتىر. قازىر ۆەدومستۆو جاڭا سالىق كودەكسىن ازىرلەپ جاتىر. ول بيۋدجەت پەن سالىق ساياساتىنىڭ تيىمدىلىگىن ارتتىرۋعا باعىتتالعان. گۇلميرا احمەتوۆا, قر قم مكك IT-مەنەدجمەنت باسقارماسى باسشىسىنىڭ ورىنباسارى: — جاڭا سالىق كودەكسىن ازىرلەۋ جۇمىسى قازىرگى ۋاقىتتا جالعاسۋدا. بۇل رەتتە ۇكىمەتتىڭ تاپسىرماسىنا سايكەس جاڭا سالىق كودەكسىنىڭ جوباسىن ۇكىمەتكە ەنگىزۋ مەرزىمى اعىمداعى جىلدىڭ ناۋرىز ايىنىڭ سوڭىنا دەيىن بەلگىلەنگەن. ال بۇل جوبانى ماجىلىسكە ەنگىزۋ مەرزىمى اعىمداعى جىلدىڭ 15 مامىر ايى دەپ بەلگىلەنىپ وتىر. قازىر ميكرو- جانە شاعىن كاسىپكەرلىكتىڭ كوكجيەگىن كەڭەيتۋگە باسىمدىق بەرىلگەن. ولاردىڭ كەدەرگىسىز جۇمىس ىستەۋى ءۇشىن جاعداي جاسالۋى ءتيىس. جان-جاقتى قولداۋ قاجەت. ال تولىقتاي ساندىق رەجيمگە كوشەتىن سالىق جۇيەسى ىسكەر ازاماتتاردىڭ جۇمىسىن جەڭىلدەتۋى كەرەك. ساراپشىلار تولىق تسيفرلاندىرۋ قاراپايىم حالىقتىڭ دا قارجىلىق ساۋاتتىلىعى ارتتىرادى دەپ وتىر. باۋىرجان ىسقاقوۆ, ەكونوميست: — مۇنىڭ تەك قانا كاسىپكەرلەرگە ەمەس, قوعامعا دا پايداسى ۇلكەن. ويتكەنى قازىر ازاماتتار مىناۋ كىرىستەردىڭ قالاي بولىپ جاتقانىن, اشىقتىعىن تالاپ ەتىپ وتىر. ياعني وسى ارقىلى ءبىز بيۋدجەتتىڭ كىرىس بولىگىن وسى تسيفرلاندىرۋ ارقىلى بولعان سايىن, زەينەتاقىنىڭ دا مولشەرى ارتادى, جالپى قوعامدا قارجىلىق ساۋاتتىلىقتىڭ ورناۋىنا اكەلەتىن بىردەن ءبىر جاعداي. ءتيىمدى سالىق ساياساتى وتاندىق ەكونوميكانى قارقىندى دامىتۋعا جول اشادى. سالانى رەفورمالاۋ ارقىلى مەملەكەت پەن بيزنەستىڭ اراسىندا جاڭا قوعامدىق شارت جاسالادى. ۇلتتىق تابىستى ءادىل ءبولۋدىڭ جولى قالىپتاسادى.