Жаңалықтар
Саран қаласының әкімі тағайындалды
Фото: әкімдік
ҚР Президентінің Әкімшілігі мен қалалық мәслихат депутаттарының келісімі бойынша бұған дейін Қарағанды облысының индустрия және индустриалды-инновациялық даму басқармасының басшысы қызметін атқарған Дарын Бұлқайыр Саран қаласының әкімі болып тағайындалды, деп хабарлайды qandastar.kz Қарағанды облысы әкімдігіне сілтеме жасап.
Жаңа әкімді қалалық мәслихаттың кезектен тыс сессиясында облыс әкімі Ермағанбет Бөлекпаев таныстырды. Депутаттар кандидатураны мақұлдады. Саран басшысына қаланы дамыту бойынша бірінші кезектегі міндеттер жүктелді.
«Дарын Бейбітұлы қала әкімі ретінде бұрыннан басталған жобаларды жалғастырып, аяқтап, жаңа жобаларды қолға алып, жергілікті тұрғындардың өмір сүру сапасына, жалпы, қаланың одан әрі әлеуметтік-экономикалық дамуы», — деді Ермағанбет Бөлекпаев.
Дарын Бұлқайыр 2012 жылдан бері мемлекеттік қызметте. Қарағанды қаласы әкімі аппаратында мемлекеттік заң бөлімінің бас маманы қызметін атқарған.
