Saıasattanýshy: Talǵardaǵy oqıǵa búlikke ákelýi múmkin

Foto: jeke qorynan

Talǵarda oryn alǵan Sherzat Bolattyń qazasyna qatysty qoǵam narazylyǵy tyıylmaı tur. Ásirese qala mańynan marqumnyń aǵasy Nurqanat Ǵaıypbaevtyń máıiti tabylǵannan beri azaly shańyraqqa qasaqana qysym jasalyp jatyr degen boljam aıtylýda, dep jazdy qandastar.kz

Tipti keı sarapshylar oqıǵanyń bulaı údeýin «búlikshiler» óz paıdasyna jarata ma dep qorqyp otyr. Mysaly, taıaýda polıtolog Arsen Sarsekov oqıǵaǵa qatysty pikir bildirip, aqparat keńistiginde syrtqy kúshterdiń teris áreketi baıqalatynyn  málimdedi.

«Saıasattanýshy retinde shyn mánisinde kúndelikti sıpatqa ıe bul tragedııany saıasılandyryp qana qoımaı, búkil elde beıbereket narazylyq týdyrýdyń aıqyn talpynystaryn atap ótpesem de bolmaıdy.

Birinshiden, ártúrli áleýmettik platformalarda tehnologtar jasaǵan mazmun bar (shamamen shetelden). Olardyń maqsaty – eldegi narazylyq áleýetin arttyrý. Olar úshin Talǵardaǵy qaıǵyly oqıǵa konstıtýııalyq qurylysty kúshpen ózgertý týraly áńgimelerdi nasıhattaýdyń bir quraly ǵana» , – dedi saıasattanýshy.

Sonymen qatar polıtolog áleýmettik jelidegi Talǵar tragedııasyna qatysty aqparattardy zerttegenin aıtqan. Onyń sózinshe, oqıǵaǵa qatysty taralyp jatqan kontentter arasynda arandatýshylyq baǵyttaǵy júıeli komanda jumysy baıqalatynyn aıtqan.

«Baıqasańyz, akkaýnttar tek osy oqıǵa úshin jasalǵan, óıtkeni olarda tek Talǵardaǵy oqıǵalarǵa qatysty mazmun bar.  Materıaldardy qarap otqan adamnyń emoııasyna áser etetin mýzykalyq súıemeldeý de qalys qalmaǵan. Mysaly, Sherzattyń ómirin baıandaıtyn rolıkte Maıkl Djeksonnyń protest baǵytyndaǵy They Don’t Care About Us oınaıdy. Qańtarda túsirilgen kadrlardy dál qazir «bolyp jatyr» dep, elge qozǵaý salǵysy keletinderdiń bary da baıqalady», – dedi Sarsekov.

Sonymen, saıasattanýshy Sherzat Bolattyń qazasyn saıası múddege paıdalanýshylar baryn jasyrmady. Qaýiptisi, kóbine mundaı saıası qadam elde «búlik» týdyrý úshin jasalady eken. Sondyqtan ádil sot ótkizip, kinálilerge laıyqty jaza berý qoǵam kóńil-kúıin baqylaýda ustaýdyń jalǵyz joly ekenin jetkizdi.

«Qarapaıym azamat retinde eki adamnyń qazasyna qaıǵyryp kóńil aıtamyn, sondaı-aq barlyq kináliler jasaǵan áreketi úshin qatań jazalanyp, eshkim ádil sottan qutyla almaıdy dep senemin», – dedi ol.