Семей қаласының тумасы, Бородулиха ауылының тұрғыны Ерасыл Сайлауов наурыздағы ҰБТ-дан ең жоғары нәтиже — 140 балл жинады, деп хабарлайды Qandastar.kz сайты KAZ.NUR.KZ порталына сілтеме жасап.
Оқу-ағарту министрлігінің мәліметінше, Ерасыл қазіргі таңда Әлихан Бөкейхан атындағы қазақ орта мектебінің түлегі болып табылады. Оның бұл көрсеткіші ағылшын тілінен 50 балдық конвертацияға сәйкес келеді.
Ерасыл бос уақытында негізінен кітап оқуға және шет тілдерін үйренуге көп көңіл бөледі. 10-сыныпта оқып жүрген кезінде ол IELTS халықаралық емтиханын тапсырған. Сонымен қатар, волейбол спортын да тұрақты түрде меңгеріп келеді.
Оқушының басты мақсаты — нағыз ҰБТ-да дәл осы нәтижені қайталау, 140 балл жинап, «Дипломатия» мамандығы бойынша мемлекеттік білім грантын алу.
