«Shahardyń joǵarǵy bóligine úıler salynbasyn»: Toqaev Almaty qalasynyń ákimine tapsyrma berdi

Foto: Aqorda

Darhan Satybaldy shahardyń áleýmettik-ekonomıkalyq damý qorytyndylary men aldaǵy josparlary týraly baıandady, dep habarlaıdy Qandastar.kz

Bıylǵy birinshi jartyjyldyqta qysqamerzimdi ekonomıkalyq ındıkator 11 paıyzǵa ósken. Negizgi kapıtalǵa salynǵan ınvestıııa kólemi 25,4 paıyzǵa artty.

Qalanyń ortalyq bóligine túsetin júktemeni azaıtýǵa, ınfraqurylymdy teńgerimdi bólýge jáne qalada jaıly orta qalyptastyrýǵa baǵyttalǵan polıentrıstik damý barysy jóninde málimet berdi.

Aýdandar arasyndaǵy tıimdi baılanys pen qoǵamdyq kólik qyzmetin jaqsartatyn transport júıesin qurý máselesine erekshe nazar aýdaryldy.

Qasym-Jomart Toqaev shahardyń joǵarǵy bóliginde kóppáterli turǵyn úıler salýǵa jáne aýmaqty taryltatyn qurylys júrgizýge moratorıı engizýdi tapsyrdy. Bul shekteý Bas josparda qarastyrylǵan áleýmettik nysandar men týrıstik klaster jobalaryna qatysty emes. Bas josparǵa tabıǵı ortany qorǵaýdy kúsheıtýge, qalany júıeli damytýǵa jáne taý bókterindegi qurylystyń aldyn alýǵa arnalǵan ózgeristerdi ýaqyt ozdyrmaı engizý mindetin júktedi.