«Sharshaǵan áıeldi kórip turmyn»: Ákim Nurdáýlet Qılybaı otbasylyq fotosy úshin synǵa qaldy

Mańǵystaý oblysynyń ákimi Nurdáýlet Qılybaı áleýmettik jelide áıeline qushaqtasyp túsken fotosy úshin synǵa qaldy, dep habarlaıdy Qandastar.kz Skifnews.kz aqparat portalyna silteme jasap.

Otbasylyq demalysta túsken sýrettiń astyna júzdegen pikir jazylyp, kópshilik sheneýnikti de, jubaıyn da talqyǵa saldy.

Jeli qoldanýshylarynyń bir bóligi ákimniń otbasyna tıisýdi orynsyz dep sanasa, endi bireýleri onyń jeke ómirin áńgime etip, áıelin synaǵan.

«Men sharshaǵan áıeldi kórip turmyn», – dep jazdy bir oqyrman.

Taǵy biri: «О́z áıelin qadirlemegen basqany qadirleı me?» – dep pikir qaldyrdy. Keıbiri ákimniń otbasylyq sýretin «áıeline adaldyqtyń kórinisi» dep baǵalasa, endi bir top «qoǵam qaıratkerleriniń ár isi jurt nazarynda bolǵandyqtan, mundaı fotolarǵa abaı bolý kerek» degen oı aıtty.

Qarapaıym fotoǵa qatysty qyzý talqylaý qoǵamda taǵy bir ret sheneýnikterdiń jeke ómiri men otbasy máselesiniń qanshalyqty jurt nazarynda ekenin kórsetti.