Sheteldegi etnıkalyq qazaq balalaryna iQanat mektebinde tegin oqytýǵa bilim granttary bólinedi

Almatyda ótip jatqan «Otandastar» bıznes-forýmynda kásipker, meenat Dýlat Tastekeı Qazaqstandaǵy bedeldi bilim berý uıymy iQanat mektebine sheteldegi etnıkalyq qazaq balalaryn tegin oqytý úshin bilim granttary bólinetinin habarlady. Bul granttar etnıkalyq qazaqtarǵa bilim alýda jańa múmkindikter ashyp, olardyń elmen baılanysyn nyǵaıtýǵa baǵyttalǵan.

iQanat mektebi aýyldyq jerlerdegi daryndy balalardy qoldaýǵa jáne olardyń sapaly bilim alýyna jaǵdaı jasaýǵa arnalǵan biregeı joba. Mektep oqýshylary álemdik standarttarǵa saı bilim alady, túrli pánder boıynsha tereń daıyndyqtan ótedi jáne shyǵarmashylyq qabiletterin damytýǵa múmkindik alady.

Aqparat retinde: IQanat mektebi — Qazaqstannyń barlyq aımaǵyndaǵy aýyl mektepterin qoldaýǵa baǵyttalǵan qazaqstandyq kásipkerlerdiń áleýmettik-bilim berý jobasy.