Shyǵys Qazaqstanda zańsyz altyn qazǵandar ustaldy

foto: polisia.kz

Shyǵys Qazaqstan oblysynda arnaıy tehnıkamen zańsyz altyn óndirý faktisi anyqtaldy, — dep habarlaıdy Qandastar.kz.

ShQO PD uıymdasqan qylmysqa qarsy kúres basqarmasynyń qyzmetkerleri óńir aýdandarynyń birinde baǵaly paıdaly qazbalardy zańsyz óndirgen adamdar tobyn anyqtady.

Zańsyz áreketterdi tolyq tirkeý maqsatynda jedel ýákilder ushqyshsyz basqarylatyn ushý apparatyn paıdalanyp, zańsyz jer jumystaryn júrgizilgen jerdiń naqty ornyn anyqtady.

Jedel is-sharalar nátıjesinde quqyq buzýshylyq ornynda alty adam ustaldy.

Tergeý áreketteri barysynda bir ekskavator, úsh metall izdegish qurylǵy, eki avtokólik jáne topyraq úlgileri alyndy.

Atalǵan fakti boıynsha sotqa deıingi tergeý amaldary bastaldy. Jerasty resýrstaryna keltirilgen zalaldyń mólsherin anyqtaý úshin tıisti saraptama taǵaıyndaldy.