Bilim

Shymkentte ata-anasy bar oqýshy qyzdar belgisiz mekemeniń qamqorlyǵynda bolǵan

15.02.2025

0 343

Foto:Zakon.kz.

40-qa jýyq oqýshy qyz ata-ana qaraýynsyz belgisiz jekemenshik mekemede jatyp tálim alyp kelgen. Shymkenttegi mundaı jaǵdaıdy Ulttyq qaýipsizdik komıteti men prokýratýra áshkereledi. Kooperatıv qory áke-sheshesi bar 28 otbasynyń qyzyn óz qamqorlyǵyna alǵan, dep habarlaıdy qandastar.kz.

Oqýshylardyń aldy mekemede 3 jyl, al keıin kelgeni 3 aı turǵan.

Mamandardyń aıtýynsha, qor balalar men jasósipirmderge tálim-tárbıe berý quqyna ıe emes. Qazir arnaıy komıssııa qurylyp, qaıyrymdylyq qordyń naqty nemen aınalysqany tekserilip jatyr.

«Mekeme basshylyǵy bul máseleni bilgen. Anyqtalǵannan keıin birinshi basshysy, dırektordan bastap qatań jaýapkershilikpen qaradyq. Odan keıin málimetterdi jasyrý faktisi boıynsha tárbıe, oqý isi jónindegi orynbasarlary, synyp jetekshi — báriniń jaýapkershiligi qaraldy».Shymkent bilim basqarmasynyń bólim basshysy Nurdáýlet Abylaev

Zańsyzdyq anyqtalǵan soń qaıyrymdylyq qoryn panalaǵan 33 qyz Shymkenttegi ýaqytsha oqshaýlaý jáne beıimdeý ortalyǵyna aýystyryldy. Oqýshylardyń barlyǵy derlik №24 mektepte bilim alyp kelgen.

Zakon.kz jazǵandaı, mektep basshylyǵy men ustazdar oqýshylardyń óz úıinde tárbıe almaıtynyn bilgen, alaıda eshkim tıisti oryndarǵa habarlamapty. Endi balalardy qamqorsyz qaldyrǵan ata-analar men ustazdardyń jaýapkershiligi qaralady.

Ilmekter