Шымкентте жаңа жылдық шырша жанып кете жаздады

Фото: видеодан скрин

Шымкент қаласындағы «Астана» алаңында жаңа жылдық шыршаны жағу рәсімі кезінде электр сымдарының қысқа тұйықталуынан шыршаның 0,2 шаршы метр аумағы өртенді. Бұл туралы Төтенше жағдайлар министрлігі хабарлады, деп жазды qandastar.kz

«Төтенше жағдайлар департаментінің кезекшілікте тұрған қызметкерлері өртті 4 минут ішінде оқшаулап, толықтай сөндірді. Олардың жедел және кәсіби әрекетінің арқасында ешкім зардап шеккен жоқ», – делінген хабарламада.

Оқиға салдарынан шыршаға аздаған зақым келгенімен, мерекелік шаралар жалғасты.